|
|
...Ekki reyna að mótmæla eftirfarandi:
sunnudagur, desember 11, 2005
Dagurinn í dag sökkaði.
Ég sá þrjár malt og appelsín auglýsingar með litla stelpuógeðinu sem hljómar eins og krabbamein (ekki að ég viti hvernig krabbamein hljómar, en það hlýtur að hljóma illa) og svo varð ég fyrir þessari ógeðslegu kólalest sem kom drunandi niður lækjargötuna, spilandi George Michael á 2000 dísebela hljóðstyrk beint í smettið á mér. Ég kastaði upp.
Svo var það líffræðin. Aldrei óraði mig fyrir því að ég byggi í svona leiðinlegum líkama. Djöfull er hann ógeðslega leiðinlegur. Gerir ekkert nema herpast saman og slaka á, dæla efnum hingað og þangað og gefa frá sér hljóð. Leiðinleg hljóð.
Svo var mér boðið í jólaglögg þar sem ég mátti ekki drekka vegna þess að ég var á bíl. Djöfullinn hafi það. Það er einmitt á svona dögum sem maður þarf áfengið til þess að sleppa úr köldum krumlum raunveruleikans og svo bara má maður ekki drekka. Hvurslags endemis, andskotans, þvaðurmagnaði þvættingur er þetta eiginlega!? Hvað í saurmettaðri spínatsúpu stúpmóður Satans á þetta að þýða!? Hvaða bandsjóðandivitlausi bavían stendur fyrir þessu!?
ER ÉG EINN Í FOKKING HEIMINUM!? HEYRIR EINHVER Í MÉR!?!?!
FOKK!
laugardagur, desember 10, 2005
Í þolraun þeirra
er þokkast vilja
sit ég sveittur
skima bækur.
Dreyris lits eru
demantar þeir
er í lausna geymi
engjast um ævi.
Ég orti þetta ljóð þegar ég vaknaði. Veit ekki afhverju.
Pop quiz: Undir hvaða bragarhætti er þetta ort og hvernig er það skýrt.
PS: Unnur Birna var að vinna Miss World. Jess! Núna getum við gortað okkur af því.
fimmtudagur, desember 08, 2005
Forkambríum, Kambríum, Ordóvisíum, Silúr, Devon, Kol, Perm, Trías, Júra, Krít.
Kjellinn kann þetta. Vá.
3 próf eftir. Oj.
|
|
|
