|
|
...Ekki reyna að mótmæla eftirfarandi:
laugardagur, apríl 08, 2006
Djöfull er ég fullur. Látið mig vita ef þið sjáið einhverjar insláttar/stafsetningarvillur.
Ég var að lesa grein í tímaritinu "Orðlaus". Venjulega geta svona tímarit höfunda pistla sinna og gera þær varúðarráðstafanir að skrif pistlahöfunda endurspegli ekki skoðanir eiganda blaðsins. "Orðlaus" hefur hinsvegar kosið að stunda ekki slíkt hátterni.
Í síðasta tölublaði Orðlausunga birtist grein um listaspírur. Þar eru birt ýmis skilyrði fyrir því að þú getir talist listaspíra og þeim fundið allt til foráttu.
Þarna leynist ekki nokkrum manni að verið sé að tala um "trefla" í daglegu tali Egils nokkurs.
Meðal þeirra skilyrða eru þau að þú hafir verslað þér föt í Gyllta kettinum, sért með skakkan topp, búir í 101, reykir gras (án gríns), sért með síðu á myspace.com og sért að vinna í bókabúð eða leikskóla. Þetta eru aðeins fá dæmi um þau afbrot sem þú þarft að gerast sekur um til þess að fá stimpilinn "listaspíra" og sért um leið sakaður um alla þá verknaði sem listaspíra gæti unnið..
Höfundur pistilsins telur listaspírur vera grannar lífverur í lélegu formi, hata líkamsrækt af nokkru tagi, leka gulum svita o. fl.
Pistillinn sem birtist í "Orðlaus" minnti margt á um hinar heilahreinsandi ræður Jóseps Goebbels, hægri handar Hitlers. Þar beitti hann sér að fordómum í garð minnihlutahóps sem var þó eins fjölbreyttur að lífsgæðum og hans eigin hópur, nasistarnir.
Samkvæmt skilgreiningu pistilhöfundar er ég trefill. Minnihlutahópur. Óæðri, einfaldlega vegna þess að ég bý í 101, hef skrifað ljóð og er með síðu á www.myspace.com./gummipalli.
Alveg finnst mér þessi fávísi merkileg. Ég held að ég geti hvorki talist til trefla eða hnakka vegna þess að ég hef bæði gaman af því að ræða andleg málefni, bý í 101, hef hlustað á Coldplay, hugsa af og til um líkamann, læri og slæ sjaldan slöku við í stelpumálum. Í rauninni finnst mér það móðgun við hina mannlegu fjölbreytni að flokka þá í þessa tvo hópa. Mennirnir eru jú eins mismunandi eins og þeir eru margir!
Í pistlinum er daglegt líf, tilhugalíf og menning listaspírunnar rætt á einn fávíslegasta hátt sem augu mín hafa litið. Þarna er innihaldslausu orðgjálfri um hvernig listaspírur eru minnihlutahópur eins og gyðingar flaggað, styðjandi þá fullyrðingu að höfundi gæti verið líkt við nasista. Alhæfingar á borð við að listaspírur séu "sér ættbálkur" minna alltof mikið á fullyrðingar nasista um að gyðingar séu óæðri kynstofn. Einnig birtir hann lista og upptalingu yfir þá hluti sem gætu bent til þess að besti vinur þinn sé "listaspíra".
Hrærigrautur innantómra orða um fatatísku, mataræði, lesefni, húsgögn og hvernig skoðanir á slíkum hlutum skilgreina manneskjuna. Ótrúleg, grunn, en samt merkileg hugmyndafræði.
Hún minnir í rauninni margt á um hugmyndafræðina bakvið hreinsanir Stalíns og Hitlers í sínum eigin löndum. Höfundur pistilsins er því annaðhvort heimskur eða þjóðernishyggður, fasískur apaköttur á borð við Adolf Hitler, Benito Mussolini og Stalín.
Veldu höfundur.
Núna.
föstudagur, apríl 07, 2006
Síðasti skóladagurinn minn var í dag. Hann var glataður. Alltof mikið að gera.
Svo afgreiddi ég í kvöld útúrkókuðustu stelpu sem ég hef séð. Hún kom ranglandi inn, sísjúgandi upp í nefið, hálfhlæjandi og spurði mig hvort að ég ætti eitthvað með beikonbragði. Allir aulabrandarar heimsins skutust upp í kollinn á mér en ég steinþagði bara og náði í eitthvað beikonbitasnakk. Svo vildi hún fá kók, fresca, ginger ale, pringles, ostapopp, bland í poka fyrir 2000, pylsu og fylltar lakkrísreimar. Ég náði í þetta allt, hún borgaði og var alltaf tautandi eitthvað "nei, æ, ég veit ekki híhíhíhí... nei svona bleikt... híhíhíhí".
Þegar ég var búinn að láta hana fá til baka upphófst mesta spanát sem ég hef orðið vitni að. Stelpan skóflaði í sig öllu helvítis draslinu á undir 5 min og sneri sér svo að næsta spilakassa þar sem hún reyndi að troða þúsundkalli ofan í klinkraufina. Það endaði ekki betur en svo að hún gargaði á spilakassann:
"WHAT!? ÞETTA DJÖFULSINS DRASL ER AÐ SVINDLA Á MÉR! KOMDU MEÐ PENINGANA MÍNA!"... og svo ældi hún öllu hlaðborðinu yfir hann.
Eftir það henti ég henni út og skipti við hann Hauk í vídjóleiguna. Mér fannst það afskaplega fyndið því að þá þurfti hann að þrífa þetta.
sunnudagur, apríl 02, 2006
Amma kom hingað í hádegiskaffi og núna eru hún og mamma að eiga eitt leiðinlegasta, innihaldslausasta, þvaðurkenndasta ígildi samtals sem ég hef nokkurntíman heyrt.
Amma: "... og svo hringdi hún Gugga, vinkona mín í mig.."
Mamma(í innsoginu): "Jájá"
Amma: "Hún er hérna... móðursystir hennar Ingveldar, eiginkonu hans Friðriks..."
Mamma: "jájá, einmitt"
Amma: "...Þau komu einmitt í morgunverðarboð til mín einusinni þar sem hún Ingveldur sagði mér frá því þegar bíllinn hennar bilaði..."
Mamma(í innsoginu): "Jaaaáá"
Amma: "... henni fannst það alveg skelfilegt vegna þess að hún missti af fermingu dóttur vinkonu sinnar, hennar Sigríðar sem er dóttir hennar Friðriku. Friðrika var einmitt með honum Theodór í bekk í grunnskóla en þau þekktust ekki mikið þar..."
Mamma: "jaaaájá"
Amma: "... en hún Gugga spurði mig hvar golfvöllurinn væri! Ég sagðist ekkert vita um það náttúrulega.."
Mamma(í innsoginu): "jájá"
Amma: "Hún spurði mig hvort að Þórhildur og Eiríkur væru ekki alltaf þar, ég sagði bara "jújú" en að ég kynni ekkert leiðina á golfvöllinn"
Mamma: "einmitt, jaaaá"
Ég er að spá í að flýja ef þetta heldur áfram mikið lengur. Þetta er ómannúðlega fokking leiðinlegt samtal.
|
|
|
