|
|
...Ekki reyna að mótmæla eftirfarandi:
laugardagur, mars 04, 2006
Meistari Þórbergur mælti svo:
"Það er innantómleikinn, þessi tærandi einstæðingsskapur sálarinnar, sem rekur fólk í hjónaband. Menn giftast af því, að þeir eru ekki sjálfum sér nógir. Í konunni sjá þeir andlega hressingu, andlegan spírítus, til þess að halda sál sinni vakandi. En þeir eru sviknir. Vörumerkið er falsað. Innihaldið er vatn. Svefninn sigrar bæði.
Hjónabandið er samábyrgð tveggja andlegra öreiga"
Tekið úr Bréf til Láru eftir Þórberg Þórðarson.
Ef hann Þórbergur hefði ekki verið þessi bölvaði kommi þá hefði ég tekið hann í dýrlingatölu. Maðurinn er æðislegur. Allur textinn rennur ljúflega úr bókinni og ofan í maga. Hann er oftast svolítið bitur á bragðið en einnig bráðskemmtilegur.
miðvikudagur, mars 01, 2006
"Fyrir hvað stendur þetta MÍ?"
Lítur til beggja hliða og hvíslar svo: "Nú, Mafía Íslands maður"
Alveg er Sódóma Rvk til þess að grenja úr hlátri yfir.
þriðjudagur, febrúar 28, 2006
Ég leit í sjónvarpið áðan og sá einhverja kvenkyns þingmenn ásamt fleirum að framkvæma einhverskonar gjörning. Örugglega eitt það lélegasta og óáhugaverðasta sem ég hef séð um mína daga.
Ekki vitandi hvað væri að ske spurði ég pabba:
"Pabbi, hvað eru þær eiginlega að gera þarna uppi á sviði"
Pabbi: "Ææææ, það er eitthvað verið að styðja ofbeldi gegn konum"
Ég ætla ekki að borða sprengimat.
mánudagur, febrúar 27, 2006
Fyrir u.þ.b. ári síðan sótti ég um Atlas plús, fyrirframgreitt kreditkort hjá KB-banka. Mér var sagt að fyrsta árið yrði ekkert árgjald en svo yrði árgjald tekið eftir það. Ég fékk þetta skínandi fína kort og ferðaávísun upp á 10.000 krónur um leið (sem var reyndar aðalástæðan) og gildistíminn rann út eftir nákvæmlega eitt ár. Fínt, flott, frábært.
Svo ári seinna rennur hann vitanlega út en hvað þá? Ég fæ sent annað, nákvæmlega eins kort og 3500 krónur teknar sjálfkrafa af reikning hjá mér. Ég hafði aldrei sótt aftur um kortið!
Bandsjóðandivitlaus hringdi ég í þjónustuver KB-banka:
Þjónustufulltrúi: "Góðan dag, get ég aðstoðað?"
Ég: "Já, halló, ég er með þetta KB-banka kort sem þið senduð mér án míns samþykkis og tókuð 3500 krónur af mér. Ég sótti aldrei um þetta helvítis kort og vil fá peninginn minn aftur!"
Þjónustufulltrúi: "Já, leyfðu mér bara að gefa þér samban..."
Ég: "NEI! Þú gefur mér bara déskotakornið ekki samband við nokkurn skapaðan mann! Ég læt ykkur ekki beina mér ykkar á milli þar til ég gefst upp! Ég vil fá þetta leiðrétt! Gemmér 3500 kall! Núna!"
Þjónustufulltrúi: "Já, ég get eiginlega ekki..."
Ég: "...Látið mig fá 3500 kallinn minn!? Þú gast svo sannarlega tekið hann af mér! Helvítis þjófóttu kortaþvingandi bankadólgar!"
Þjónustufulltrúi: "Ég verð að minna þig á að þessi samtöl eru hljóðrituð en ég skal taka..."
Ég: "Nú!? Hljóðritaðu þetta! Djöfulsins...&%"!#$#$%&&%#&$%$#$%&#!!$!¨$#"&%#$%!"#&%/&($"%#!"#!"$#%"&$"""
....Skellt á....
Hringi aftur
Þjónustufulltrúi 2: "Góðan daginn, get ég aðstoðað?"
-----||------- nánast sama samtal aftur, bara ekki eins dónalegt af minni hálfu.
Ég leyfði þjónustufulltrúanum að taka niður númerið hjá mér þannig að kortatussan myndi hringja í mig. Hún hringdi svo í mig rétt áðan og svona var samtalið:
to be continued
Ég skammast mín oft fyrir að vera hluti af þessu samfélagi. Þegar maður verður vitni að samtölum 12-15 ára stelpna, jafnvel eldri, langar mig til þess að gefast upp. Lítilfjörleg málefni á borð við Justin Timbersleik og Kristínu Agjúþvera eiga hug þeirra allan. Málefnalegur þroski hefur seinkað komu sinni inn í huga þessara ungmenna og hver veit nema hann komi kannski aldrei?
Hverju er um að kenna? Ég vil kenna þessu sálareitri sem er útvarpað og sjónvarpað alla daga inn í þjóðfélagshöfuðið. Eftir stendur líkami þjóðfélagsins, sálarlaus, og eltist einungis við sínar eigin fýsnir.
Skynsemi, hugsun og allt sem þess virði er að halda í er látið lönd og leið. Það er verið að eitra fyrir okkur.
Við erum háð sjónvarpinu. Justin og Kristín eru eiturlyfið, Sony er eiturlyfjasalinn og sjónvarpið er sprautan. Einn daginn tökum við of stóran skammt og sálin drepst. Eftir stöndum við, sálarlaus ofan á jarðarkringlunni.
sunnudagur, febrúar 26, 2006
Jæja, Íris "nældi" mig víst, hvað svosem það þýðir. Þetta er eitthvað nýtt orð yfir "klukk". Jæja, here we go:
4 hlutir um mig:
Ég er ógeðslega fokking þunnur núna
Ég er í MR
Ég á ekki kærustu
Djöfull er ég þunnur
4 hlutir sem ég get ekki verið án:
Tölvan mín (verð að blogga biturleika mínum)
Kók í gleri
Vinir mínir
Ipoddinn minn
4 tegundir af áfengi sem ég get ekki drukkið:
Vodka
Breezer
Rósavín
Woody's
4 hlutir sem ég kann að meta í fólki:
Sjálfstæð hugsun
Mikill orðaforði
Gagnrýnn hugsunarháttur
Algjört vinatraust
4 hljómsveitir:
Jeff who?
A Perfect Circle
Jamiroquai (ómissandi í partý)
Audioslave
Jæja, ég nenni ekki að skrifa meira. Ég er svo ógeðslega svakalega fokking tussudrulludjöfulsþunnur.
|
|
|
