|
|
...Ekki reyna að mótmæla eftirfarandi:
laugardagur, júní 10, 2006
Jæja, þá er Jón Kristjánsson hættur sem félagsmálaráðherra og í ríkisstjórninni. Magnús Stefánsson verður félagsmálaráðherra, Jón Sigurðsson seðlabankastjóri verður iðnaðar og viðskiptamálaráðherra, Valgerður Sverrisdóttir fer í utanríkisráðuneytið og Jónína Bjartmarz fer að lokum í umhverfisráðuneytið.
Eitthvað segir mér að Halldór eigi eftir að erfa seðlabankastjórastöðuna.
föstudagur, júní 09, 2006
Annþór Líndal
Annþór Líndal fæddist í Reykjavík þann 31. desember 2004. Hann var úrskurðaður látinn hjá þjónustudeild Apple á Íslandi þann 9. júní 2006. Annþór var eingetinn og faðir hans er Guðmundur Páll Líndal f. í Maryland sýslu, Bandaríkjunum. Aðrir vinir og vandamenn Annþórs voru USB-tengisnúran, Itrippið og Medion tölva Guðmundar.
Elsku besti Annþór minn,
eins og þú hefur sennilega einhverntíman heyrt er foreldrum sárast að jarða börnin sín. Aldrei hélt ég að ég myndi lenda í slíku þegar ég átti svona hraustan og góðan iPod, en hér stend ég þó allslaus. Þér þótti alltaf svo gaman í hverskonar gleðskap, hvort sem það var ruglað partý hérna heima, sumarbústaðaferð í Skorradal eða rólegt setukvöld á Ari í Ögri. Þú varst líka svo vinsæll og allar stelpurnar vildu beinlínis taka þig með sér heim. Svona er það þó þegar maður deyr svona ungur, Guð hlýtur að hafa ætlað þér stærri hluti á himnum. Hver veit nema að ég hitti þig þar seinna meir.
Síðustu dagarnir voru þó langt frá því að vera auðveldir. Alzheimerið var byrjað að gera alvarlega vart við sig og brátt gleymdirðu öllum lögunum og tekur þú þau flest með þér í gröfina.
Ég vona, Annþór minn, að þú spilir tónlistina þína hvar sem þú ert.
Annþór góði, iPod minn
æpir tónlist þína
Þig ég þarf að kveðja um sinn
..og tónlistina mína.
-Gummi Palli
fimmtudagur, júní 08, 2006
Rosalega er pabbi líkur Meistara Sam Neill.
Svo á Sam Neill afmæli 14. september og ég á afmæli 27. september.
27 - 14 = 12
Voru lærisveinar Jesú ekki 12? 12 mánuðir í ári? Jújú.
Tilviljun? Held ekki.
þriðjudagur, júní 06, 2006
Ég veit ekki hver annar en Smári nokkur Tarfur getur fengið mig til þess að hata orðasambandið "Hágæða klassík".
Ojbara og ullabjakk.
ps. Vel á minnst, hvað gerist næst á eftir þessum merkisatburði? Verður rolla fyrir bíl uppi á hálendi? Ræðst hákarl á síldartorfu? Spennan er að fara með mig.
Hvernig getur nokkurt mannsbarn mótmælt þessu?
Íslam rúlar.
mánudagur, júní 05, 2006
Hvernig skal vera móðins á alnetinu
-Eftir Guðmund Pál Líndal
Á þessum flóknu tímum tæknialdarinnar á fólk það til að gerast undarlegt, nördar og jafnvel lúðar. Orsök þess er sennilega sú að í miklum staðreyndaskógi tískunnar kunna þau fátt kennileita og villast því á braut lúðmennsku og annarskonar nördaháttar. Þetta fólk verður oft fyrir áreiti annarra sem betur gengur í sinni víðtæku leit að hinu fullkomna alnetsatferli. Ég hef því skrifað þennan eilitla pistil sem einskonar vegakort, þeim til handa sem lítt kunna vegar í þessum torrataða skógi.
Það að vera hreinskilinn um sig og sitt er lykillinn að farsælu ferðalagi inn í tískuskóginn. Þú skalt ekki bíða eftir því að einhver annar spyrji þig, heldur skaltu að fyrra bragði búa til einskonar lista um þig eða eins og vínlendingar kalla það: "Profile". Þetta hefur oft verið þýtt sem "prófíll" á íslenskuna.
Þegar prófíll er búinn til skal ávallt byrja á því að setja mynd, helst af sjálfum þér að skemmta þér innan um kvenfólk. Þegar því er lokið skaltu finna a.m.k. 5 nöfn á sjálfan þig sem enda flest á ákveðnum greini og innihalda öll a.m.k einn staf sem finnst ekki í íslenska stafrófinu. Þetta sýnir allt hversu flippaður þú ert og stóreykur líkurnar á því að fólk af hinu kyninu sýni þér áhuga. Af einhverjum ástæðum hefur þótt nauðsynlegt að rita stafaklausuna "a.k.a" á milli nafna.
Svo að ég taki dæmi um nöfn sem ég gæti valið sjálfum mér eru: Cumminn a.k.a Gummzterinn a.k.a Gummi-flippz a.k.a zmokksterinn og Gummzenegger.
Fyrir neðan nafnaupptalninguna þína skaltu svo hefja einskonar eintal við sjálfan þig. Þú spyrð þig ákveðinna spurninga og svarar þeim jafnóðum fyrir aðra að lesa. Þetta veitir lesandanum innsýn inn í huga þinn og stóreykur einnig líkurnar á því að þú fáir drátt í kvöld.
Gott er að byrja á því að spyrja sig grunnspurninga á borð við hvað þú sért gamall, hvort þú eigir kærustu, hvað þig langar til þess að gera á þessari stundu, kosti, galla o.fl.
Vinsælar spurningar á borð við "Hvaða þrjá hluti myndirðu taka með þér á eyðieyju" og "hvenær misstirðu sveindóminn" missa náttúrulega aldrei marks vegna þess að þær bjóða ætíð upp á hnittin tilsvör og sýna fram á ótakmarkaðan flippanleik þinn.
Mundu bara að þetta er þinn prófíll! Spurningarnar eiga sér engin takmörk og því er um að gera að gefa huganum lausan tauminn.
sunnudagur, júní 04, 2006
Nokkrir hlutir sem mig vantar núna:
Einkanuddari
Aston Martin
Sturta
Fokkin bíllyklana
Partý.
Hvernig er það annars? Er eitthvað að gerast í kvöld? Er ég alveg útúr eða? Er þetta bara glatað? Á ég bara að skammast mín og fara að sofa?
|
|
|
