|
|
...Ekki reyna að mótmæla eftirfarandi:
laugardagur, september 16, 2006
Ég hef iðulega mikla óbeit á allri umræðu um trú, en í ljósi nýliðinna ummæla páfa verð ég bara að láta dæluna ganga.
Ég tók mig til í dag og las alla ræðuna í heild sinni svona til þess að kynna mér þetta milliliðalaust. Hvílíkri endemis andskotans geðveiki er búið að narra inn fyrir vit manna í Arabaríkjunum. Í ræðunni vitnar Páfi í orð Manuel II Paleologus frá umsátrinu um Konstantínópel árin 1394-1402 einungis til þess að hefja umræðuna um það hvort rétt sé að boða trú með ofbeldi og hótunum. Hann tekur ekki nokkra afstöðu í þeim málum hvort nokkur trúarhreyfing sé að beita þeirri aðferð í trúboði og er í rauninni erfitt að skilja ræðu hans þannig þar sem hann tekur skýrt fram að hann geri þessar skoðanir ekki að sínum eigin.
Núna spyr maður sig náttúrulega hvernig leiðtogar og íbúar arabaríkjanna gátu misskilið þetta svona hrottalega. Svarið er einfalt og felst í því að ekki einn einasti þarna hefur lesið ræðuna í heild sinni eða kynnt sér málin á nokkurn hátt heldur einungis vaðið fram með sleggjudómana og beinlínis hvatt til óeirða.
Gömlu atvinnumótmælendurnir sem gerast sífellt fleiri þarna suðurfrá draga fram gömlu útjöskuðu mótmælaspjöldin sín sem eru skrifuð á ensku, hlaupa út á götur og kasta bensínsprengjum í kirkjur. Klerkur í Sómalíu hvatti múslima meira að segja til þess að drepa páfann og öll arabríki, arabasamtök, arabahitt og arabaþetta sjá sig knúin til þess að krefja hann um afsökunarbeiðni fyrir móðgandi ummæli um Múhameð. Ég bara sé ekki nokkursstaðar í þessari ræðu mógðandi ummæli um Múhameð nema í tilvitnun sem endurspeglaði alls ekki skoðanir páfa. Þetta ætti að vera fullljóst ef menn kynntu sér málin hið minnsta.
Nú, óeirðirnar fóru af stað, mörgum klerkum og mörkum fréttamönnum til mikillar gleði en svo gerði páfi hið óvænta: Hann baðst afsökunnar!
Öll araba og múslimaríkin, samtökin og það get ég ímyndað mér að hafi ekki alveg vitað hvað ætti að gera svona fyrst um sinn en svo ákváðu þau bara að láta afsökunarbeiðnina sem vind um eyru þjóta og halda óeirðunum áfram. Það er ekki í lagi með þetta.
Þetta er löngu hætt að snúast um ummæli páfa eða trúmál, eins og er snýst þetta um pólitík sem fréttamenn og valdamenn notfæra sér annaðhvort til peningagróða eða valda.
Ekki nokkur þessara mótmælanda virðist hafa kynnt sér málin á nokkurn hátt. Ef það má ekki segja það sem Páfi sagði, hvað má þá segja í nútímasamfélagi? Það má ekki teikna skopmyndir, það má ekki vitna í löngu dauða keisara, það má einfaldlega ekki segja neitt nema þú viljir eiga á hættu að lenda á einhverskonar dauðalista. Tilgangurinn er að veikja siðferðisþrek vesturlandabúa og skapa einskonar falska sektarkennd sem í mörgum tilvikum virðist virka sorglega vel. Frá mínum sjónarhóli lítur þetta út eins og málfrelsishömlur í dulbúningi og þær mega aldrei líðast.
Hvet ykkur sem lesið þetta eindregið til þess að lesa alla ræðu páfa, hana má finna hér: http://news.bbc.co.uk/2/shared/bsp/hi/pdfs/15_09_06_pope.pdf
þriðjudagur, september 12, 2006
Endalaust, andskotans vesen er þetta alltaf hreint, alla tíð og tíma, úti í móa og uppi á fjalli. Vesen allstaðar, alltaf. Óþolandi. Maður fær ekki stundar-helvítis-frið fyrir þessu eilífa sauðbullandi satans veseni! Aldrei getur nokkur skapaður hlutur bara gengið eins og hann á að gera. Það sorglegasta við allt þetta helvítis vesen er að það er sjaldnast hægt að kenna einhverjum einum um það, og þegar það er hægt er það oftast sjálfum manni að kenna. Djöfullinn hafi þetta.
Alltaf þegar maður heldur að maður sé laus úr einu veseninu byrjar annað, það bregst ekki. Ein samfelld röð leiðindaatvika sem teygir sig svo langt aftur að maður man varla þá tíð sem maður gat einfaldlega lagst niður og slappað af.
Það versta við þetta ógeð er kannski hversu lítil smáatvik þetta eru. Ef þetta væru stórvesen hefðu þau allavega þann tilgang að gera mann sterkari andlega og kannski væri léttirinn meiri þegar vesenið væri yfirstaðið, en þetta er ekki þannig. Þetta eru smávesen, ógeðslega pirrandi andskotans helvítis helvíti sem hafa einungis þann tilgang að gera mann skapverri og óþolinmóðari.
Þessi pistill var tileinkaður Írisi. Vona að þú hafir gaman af.
|
|
|
