|
|
...Ekki reyna að mótmæla eftirfarandi:
fimmtudagur, mars 16, 2006
Það er Sólon í kvöld! Fötufyllerí! Fimmtudagsbjórinn! Sleikur við Ingunni! bohohohohohohoho.
Mikið skratti var leiðinlegt í skólanum í dag. Kannski að ég uppfæri þessa færslu í kvöld þegar eitthvað merkilegt hefur gerst. Kannski að pabbi segi eitthvað sniðugt? Kannski að mér detti eitthvað í hug? Það er aldrei að vita. Svona er spennandi að vera ég!
miðvikudagur, mars 15, 2006
Það var spínat í salatinu sem var með kvöldmatnum. Ég fékk mér bita af því og svo varð eftirfarandi (fyrirsjáanlegt) samtal:
Pabbi(horfði prakkaralega á mig): "Hvah? Þú borðar svo mikið spínat! Þú verður bráðum eins og hann Skippi Skræk!"
... og svo spennti hann tvíhöfðann, fullyrðingu sinni til áherslu.
Ég: "Skippi Skræk? vottafokk?"
Vigga: "???"
Pabbi: "jájá... Skippi Skræk. Heitir hann það ekki?"
Svipurinn á pabba breytist í millistig milli prakkarasvipsins og vandræðalegs svips.
Ég: "Meinarðu Stjána Bláa?"
Pabbi: "já... eða það..."
Skippi Skræk? Hvernig atvikast það að svona átyllulaus hugarburður verður til?
þriðjudagur, mars 14, 2006
Sómi Íslands, sverð þess og skjöldur!
Ég og Renata vorum í tilraunaskapi í dag og fórum því út í búð og keyptum okkur kókosbollur og kók. Við komumst að því að það er einstaklingsbundið hvort kókið freyðir eða ekki þegar það kemst í snertingu við kókosbollujukkið. Hinsvegar varð okkur báðum illt í maganum.
Svo er hugsanleg og fyrirhuguð pulsuferð upp á Þingvelli á föstudaginn. Það verður æðislegt. Nú er bara að sannfæra einhverja af bling-stelpunum um að strippa.
Uppfærsla- Skyndihugmynd: Afhverju köllum við kókosbollur ekki "Kók-gos-bollur"?
sunnudagur, mars 12, 2006
Fólk segir alltaf að ég og pabbi séum alveg nákvæmlega eins. Við lyftum hælunum mjög mikið upp þegar við göngum þannig að þegar við göngum hlið við hlið gætum við verið að valhoppa. Það kann vissulega að vera en ég var ekki svo viss þegar fólk sagði okkur báða vera svolítið viðutan. Ég gerði lista yfir "viðutan" hluti sem ég og pabbi gerðum í dag til þess að kanna þetta:
Þegar ég vaknaði hélt ég að það væri fimmtudagskvöld, panikkaði og ætlaði í skólann.
Pabbi fór upp í vinnu, fattaði að það var sunnudagur og kom aftur heim.
Ég átti að fara að sækja lyf fyrir mömmu í dag en fór á bráðamóttökuna á röngum spítala.
Þegar ég kom inn í sjónvarpsherbergi fyrr í dag sat pabbi þar að lesa bók. Hann spurði mig hvort að ég ætti ekki að vera í skólanum. Klukkan var 16:00 á sunnudegi.
Ég var að fara inn í húsið með Viggu sys, tók upp símann minn, beindi honum að hurðinni, ýtti á "menu" takkann og beið eftir að hurðin opnaðist. Ég er alltof háður þessum helvítis bíllyklafjarstýringaopnaradæmum.
Pabbi kvaðst hafa "óvart" borðað eina kókosbollu rétt fyrir kvöldmat. Hann er þá búinn að borða 5 kókosbollur í dag. Pabbi getur ekki hætt að borða kókosbollur. Hann reynir meira að segja stundum að pranga einni upp á mig þannig að ég verði líka háður þeim.
|
|
|
