|
|
...Ekki reyna að mótmæla eftirfarandi:
laugardagur, febrúar 25, 2006
Ég var með smá Idol-hitting í gærkvöldi. Ég legg það iðulega ekki á mig að horfa á þessa amerísku eftirhermudrullu en ég lét til leiðast vegna hópþrýstings. Við vorum búin að koma okkur ágætlega fyrir og þá byrjaði söngurinn. Hvílíkt og annað eins.
Er þetta það eina sem þessi þjóð hefur upp á að bjóða? Allt sem þessi keppni skildi eftir sig voru nokkrir spangólandi lúsablesar og kjökrandi kanamellur, kyrjandi lög frá sorglegasta tímabili íslenskrar tónlistarsögu. Maður hefði nú haldið að þessir úrvalshópur íslenskra söngvara sem sendur var upp á svið hefði getað bætt um betur en nei. Mikil djöfuls andstyggðar óhljóð komu upp úr aumingja söngvurunum. Öll nema eitt sungu þau sorglega ástarsöngva með tár niður vanga og ein gat vart staðið upp, heldur lá hún sem dauð á sviðinu og grenjaði fyrrum elskhuga.
Svo kom "Ingó" nokkur. Hann kvaðst munu syngja "Mambó ítalíanó" eftir Hauk nokkurn Morthens. Þarna eygði ég fyrst í vonum að kannski væri tónlistarmenning Íslands ekki alveg glötuð um aldur og ævi. Ég hafði rangt fyrir mér.
Hvaða djöfuls heyrnardaufi hálfapi hleypti þessum manni upp á svið með hljóðnema!? Slík var hljóðræn misnotkunin á laginu að ég sökk í stólinn, greip fyrir eyrun og veinaði af kvöl. Ég veit ekki við hvern er að sakast, íslensku þjóðina fyrir að leyfa þessu að gerast eða söngvarann fyrir að opna smettið á sér, en einhver þarf að vera flengdur allhressilega. Hvílíkt stjórnarskrárbrot þetta var.
Þar sem ég hljóp út í miðju laginu til þess að missa ekki vitið yfir þessari demónísku nauðgun á annars ágætu lagi veit ég ekki hvort maðurinn var rekinn úr keppninni. Ég vona engu að síður, fyrir almannaheill og áframhaldandi almenna skynsemi, að þessi keppni verði lögð niður í núverandi mynd og tekin upp í því formi þar sem keppendur eru barðir í klessu undir lok keppninar.
ps. Þó að keppnin hafi verið skelfileg þá var kvöldið samt ógeðslega æðislegt =)
miðvikudagur, febrúar 22, 2006
Hann Björgvin nokkur, gjaldkeri Herranætur, kíkti til mín í gærkvöldi og bað um að fá að nota tölvuna. Ég tók þjófavarnakerfið af og hleypti honum inn og þegar við vorum að ganga upp stigann opnaði pabbi, útlítandi eins og nývaknaður hamstur. Bölvandi og ragnandi spurði hann hvur djöfullin gengi á hérna. Ég sagði að Bjöggi þyrfti að fá að nota tölvuna mína. Augun á pabba opnuðust eilítið meira, virtu Bjögga fyrir sér og svo sneri hann sér við og fór aftur að sofa.
Svo í dag þegar ég var að borða með henni Viggu sys (takk fyrir pastað) kom pabbi inn með þetta "ég-veit-eitthvað-sem-þú-veist-ekki"-glott. Ég andvarpaði og spurði:
"Jæja pabbi, hvað viltu segja okkur?"
Pabbi: "híhíhíhíhí, hvah... þú bara veður í stelpum!"
Ég: "Ha? Hvað meinarðu?"
Pabbi: "Hvah! heldurðu að ég viti ekki að það kom stelpa til þín í gærkvöldi? híhíhí"
Ég: "?????"
Pabbi: "Þú veist, híhíhíh, ljóshærða stelpan í gær..."
Ég: "Pabbi, þetta var vinur minn, hann Bjöggi. Hann vildi fá að nota tölvuna mína"
Pabbi: "ööhhh... þarna... já"
Ég: "Ertu nokkuð búinn að vera fóðra mömmu með þessari þvælu!?"
Pabbi: "Neeeeinei, æ... segðu drengnum að klippa sig!"
Þess má geta að Björvin er með sítt, ljóst og afar fagurt hár en er alls ekki kvenlegur. Pabbi er bara ruglaður.
þriðjudagur, febrúar 21, 2006
Ég man þegar ég var að sækja um hvaða menntaskóla ég ætti að fara í. Enginn í kringum við virtist þreytast á því að minna mig á að það væri algjörlega undir mér komið í hvaða skóla ég færi. Þetta væri algjörlega á minni ábyrgð og ég ætti ekki að láta neinn segja mér fyrir verkum. Ég játa að mér fannst ég hafa meiri stjórn yfir lífi mínu með þessum hætti, falin meiri ábyrgð og sýnt meira traust en áður.
Svo kem ég í skólann og ég fæ fjarvist ef ég mæti ekki í tíma. F í kladdann. Tuttugu ára. Það er verið að refsa mér fyrir að mæta ekki í tíma hjá skóla sem ég valdi, ég borga skólagjöld til og kemur bara ekki djöfulinn við hvort ég mæti eða ekki. Það eina sem ætti að skipta þá máli væri einkunnin á blaðinu mínu. Ég þekki marga úrvalsnámsmenn, þó að ég geti vart talist einn sjálfur, sem rúlla upp hverju einasta prófi en eiga í hættu á að falla á mætingu. Ég þekki líka marga sem mæta í hvern einasta tíma en engu að síður rétt slefa þeir. Hvað í sódómískri salatskál ömmu andskotans hefur mæting að segja um dugnað minn sem námsmaður!? Hvenær varð stundvísi fag í MR!?
Mér finnst þetta sorglegt. Mér finnst sorglegt að nemendum sé ekki sýnt það traust að standa sig sjálfir. Ef einhverjir nemendur þurfa á einhverskonar svona djöfuls aðhaldi að halda þá eiga þeir ekki skilið að vera í MR. Mér finnst ótrúlegt að skólayfirvöld skuli ekki sýna MR-ingum meira traust en svo að pína þá í tíma í stað þess að þeir beri ábyrgð á sínu eigin námi.
mánudagur, febrúar 20, 2006
Djöfull hata ég Steingrím Randver Eyjólfsson.
Fyrir ykkur sem ekki vita þá var hann íslenski "Bachelorinn" og var að hætta með einu stelpunni sem ekki flúði úr þættinum.
Ég þekki þennan mann ekki neitt en samt hefur honum tekist að fara einna mest í taugarnar á mér undanfarið ár. Það er ekki bara eitthvað eitt atriði, það er allt við helvítið! Ég hata allt við hann!
Ég hata hvernig hann lítur út eins og hann ætli að kyssa mann alltaf, þennan ógeðslega svip sem þið sjáið hér til hliðar. Ég hata hann fyrir að hafa gefið skjáeinum ástæðu til þess að setja þennan þátt af stað. Ég hata hann fyrir að hafa kóperað þessa ógeðslegu amerísku pussudrullu á Íslandi og forheimskað landsmenn í leiðinni. Ég hata hann fyrir að hafa nauðgað augunum á mér í hvert skipti sem ég sé mynd af honum og þessar ógeðslegu rósir sem hann heldur ALLTAF á. Það er eins og þessar FOKKING RÓSIR SÉU LÍMDAR VIÐ HANN!
Ég hata hann fyrir að vera í Séð og Heyrt þessa dagana vegna þess að mér er alveg sama um hann og þessa fyrrverandi hans. Ég hata að hann breytir aldrei, ALDR-FOKKING EI UM SVIP! DÍSIS!
Einna mest hata ég samt að hann er alltaf með þessa djöfuls málningu í smettinu á sér og ég sver að Þorsteinn Guðmundsson var ekki að djóka þegar hann talaði um "Smið með varalit".
Ég hata að helvítis þátturinn hét "Íslenski Bachelorinn". Afhverju gátu helvítis fávitarnir þarna á S1 ekki snarað öllu helvítis nafninu á íslensku!? Hljómar "Íslenski piparsveininn" eitthvað illa!? Er eitthvað að því að viðhalda íslenskri tungu? bara smá?
Ég veit að ég kann að virðast bitur við lestur þessa haturspistils en ég er það ekki. Ég er bara reiður, viðþolslaus og dauðþreyttur á þessum andlausu kóperingum og sjónvarpsheimsku.
Fokk.
Ég var að steikja mér hamborgara í kvöldmat. Búinn að beita meistaratækni minni í matargerð tók ég hamborgarann af pönnunni og ætlaði að setja hamborgarabrauðið inn í örbylgjuofn.
Kemur pabbi ekki, þrífur af mér hamborgarabrauðið og skellir því á brennheita pönnuna sem er löðrandi í olíu. Ekki veit ég hvurn djöfulinn þetta átti að þýða en svona lærði hann þetta víst. Eftir steikinguna var hamborgarabrauðið lítið annað en svartur, olíukenndur klumpur. Andskoti var það vont.
Tíðkast þetta einhversstaðar annarsstaðar en hjá föður mínum?
sunnudagur, febrúar 19, 2006
Múslimar eru gersamlega að tryllast yfir skopmyndunum, brennandi sendiráð, ráðast á alla skandinava og að reyna að efna til stríðs. Hver er einfaldasta lausnin við því?
ps. Mig dreymdi að ég væri að borða kerti. Kerti bragðast ágætlega.
|
|
|
