|
|
...Ekki reyna að mótmæla eftirfarandi:
fimmtudagur, júlí 20, 2006
Mávarnir. Helvítis mávarnir.
Þessi fiðruðu afkvæmi Satans eru búin að taka yfir bæinn. Hvergi getur maður snætt nokkurn mat í þessu fyrsta sólskini sumarsins án þess að þeir flykkist tugum saman að manni í fæðuleit. Svo dæla þeir þessum djöfuls andstyggðar óhljóðum upp úr sér allan sólarhringinn og þakka svo pent fyrir sig með því að drita á bílinn.
Núna þegar loks átti að ráða bót á þessum vanda með alemnnilegum skotvopnum vaða einhverjir helvítis græningjakommar og dýraverndurnarasnar upp með kjafti og klóm, mávunum til verndar. Maður fer óhjákvæmlega að velta fyrir sér þeim svipuðu eiginleikum sem þessir hópar búa yfir.
Hvað græðir mannskepnan á návist þessara ógeða? Þetta eru ljótir fuglar, þeir hafa hátt, þeir eru frekir, þeir fjölga sér eins og kanínur, sumir þeirra geta hrækt fokking lýsi á mann! o.fl.
Er ekki lagi með fólk? Eru engin takmörk fyrir því hvaða skepnum er leyft að lifa?
Ég segi að allir liðtækir og föðurlandselskandi Reykvíkingar taki upp skotvopnin sín, stilli sér upp á skothúsveginum og láti þennan andstyggðar fuglaviðbjóð líða eins og þeir hafi rænt tveimur hermönnum frá Ísrael.
Í leiðinni gætu menn reynt að miða á helvítis svanina. Ég hata svani. Þeir eru stórir, asnalegir í laginu, árásargjarnir og gefa frá sér eitt ljótasta garg jarðríkis. Hver fann annars upp á frasanum "fagur svanasöngur"? Hafði sá hinn sami einhverntíman heyrt svan góla? Þetta hljómar eins og gallað trompet mixað við dekkjaískur.
Æ, skjótum bara alla fuglana og höldum veislu.
|
|
|
