|
|
...Ekki reyna að mótmæla eftirfarandi:
laugardagur, mars 06, 2004
Umkringdur stelpum í morðhug velti hann fyrir sér bestu flóttaleiðinni. Glugginn... já.. stökkva þaðan út. Hann tók til fóta en rétt áður en hann náði að láta sig hverfa út um gluggann var hann dreginn aftur inn og drepinn.
Ég er í einhversskonar svipaðri aðstöðu núna.
föstudagur, mars 05, 2004
Ég spjallaði við Möggu í Hallanum í dag. Hún segir að hún muni reyna hvað hún getur til að vera viðstödd næsta vetur en ekkert er víst. Reksturinn gengur eitthvað illa og þannig.
Þessvegna ætla ég að sleppa öllum pælingum um annað málfundafélag og safna liði í:
Hallaverndarfélagið
Þetta félag á að vera hallanum stoð og stytta ef hann lendir í einhverskonar vandræðum.
Ég kalla á alla elskendur Hallans! sameinumst!
...og mikil djöfulli er gott að vera nærbuxnalaus, hvet alla til þess að prófa
fimmtudagur, mars 04, 2004
Ég setti hérna inn könnun til þess að athuga hvaða tala væri vinsælust meðal almennings, kannski verða niðurstöðurnar spennandi
Þetta er búinn að vera mjög áhugaverður dagur. Ég fór eftir skóla með honum Degi út í bæ þar sem við keyptum tvo skopparabolta ásamt því að lenda í útistöðum við afgreiðslukonuna. Við skakklöppuðumst þaðan og upp í Hallgrímskirkjuturn þar sem Dagur byrjaði að fleygja sínum bolta niður. Sá bolti lenti í einhverju beði eftir að hafa skoppað eitthvað. Síðan var komið að mér að kasta mínum niður. Ég kastaði honum þónokkru lengra út en Dagur sem orsakaðist í að hann lenti ofan á keyrandi bíl, kyrrstæðum bíl og fór að lokum í rúðuna á húsi. Keyrandi bíllin snarhemlaði og kenndi einhverju brettastrákum, sem höfðu tekið skopparaboltann upp, um skemmdarverkin. Ég og Dagur hlógum dátt.
Nú, síðan þegar við vorum búnir að láta klukkurnar glymja yfir höfðunum á okkur löbbuðum við niður í bókabúðina Gvend Dúllara þar sem ég tók eftir ansi miklu sem mig langaði í. Því næst héldum við heim á leið en settumst á bekk á Austurvelli til að hvíla lúin bein. Þar tóku nokkrir rónar okkur á tal og einn þeirra kvaðst vera "special car engeneering designing fleh", annar virtist vera með einhverju ráði og sá síðasti, jafnframt sá steiktasti, talaði mestmegnis og boltana sína tvo, skynsemi og máva. Við flúðum inn í Alþingishúsið og horfðum eilitla stund á þingfund um sölu RÚV. Sigurður Kári, þingmaður, eyddi mestöllum tíma sínum í að hrista hausinn meðan Lúðvík Bergvinsson (samf.) talaði.
Næst á dagskrá var að henda skopparaboltanum sem var eftir á milli og síðan gefa öndunum myglað brauð sem heppnaðist einkar vel.
Við enduðum daginn niðri í kjallara að hlusta á Guns ´n Roses með Pepsi X í annarri og gítar í hinni. Einkar áhugaverður dagur... einkar...
miðvikudagur, mars 03, 2004
Stundum finnst mér eins það væri bara best ef ég ætti heiminn og stjórnaði öllu. Þá væri allt miklu betra.
Burtséð frá því, þá er þessi sumarbústaða(r)ferð í bígerð og helvítis þáttakan er dræm.... fokkings dræm. Sumir í MR eru svo undrasteiktir að þeir ættu að fá verðlaun! Fólkið segir að hvort það komi fari eftir því hve margir komi... og þetta segja flestir. Ef allir þessir sem segja þetta, bara kæmu, þá væri lóded í þessa helvítis ferð!
Ég ætla að fara að ljúga á fólki á morgun.
Bless
þriðjudagur, mars 02, 2004
Þegar Lísa fór að tala við mig um að hún þyrfti að vera búin að lesa einhverja hundleiðinlega bók fór ég að velta fyrir mér afhverju í dauðanum það þurfa alltaf að vera settar fyrir svona leiðinlegar bækur sem enginn les ótilneyddur.
Það er ein undantekning, og það er "The Hobbit" en afgangurinn samanstendur af svo afburða óspennandi samanklöstruðum setningum að það hlýtur að vera eitthvað að. Sem dæmi um leiðinlega bók er Babettes gæstebud. Sú saga fjallar um leiðinlega hluti á leiðinlega hluti ofan. Lesandinn getur ekki haldið einbeitingu og þarf að lesa sömu málsgreinina svona 8 sinnum til þess að ná loksins innihaldinu. Ótrúleg frammistaða hjá Karen Blixen.
Það að velja leiðinlegar bækur er rangt. Það á að velja bækur sem nemendum þykir áreiðanlega skemmtileg lesning þannig að þetta sé ekki eins og maður sé að lesa sömu bókina 8 sinnum.
Nei, ég skil ekki þessa heimspeki.
bless
Ég og Bjarki í bekknum mínum erum að skipuleggja sumarbústaðarferð næstu helgi. Þetta verður magnað! Með Havana Club og bjór verð ég allur í gúddí sko... Núna er bara að sjá hvort einhverjir vilji koma.
Mig langar að stofna nýtt málfundafélag, andskotinn hafi það. Framtíðin hefur ekki haldið neinn andskotans svoleiðis fund í ár og aldir. Þessir málfundir yrðu með þónokkuð öðruvísi sniði en framtíðin hefur þá. Í þessu félagi myndu ákveðin lið sem væru stofnuð berjast um titilinn. Hægt væri að skora á titilhafann til þess að freista þess að hafa af honum titilinn.
Auk þess yrðu haldnir málfundir og líka gætu einstaklingar skorað á hvorn annan til þess að svara einhverjum spurningum.
Ég ætti að vera forsætisráðherra. Núna.
bæ
mánudagur, mars 01, 2004
rakst á þetta á batman.is um daginn. Ég verð að segja að þetta er hentugur sveigjanleiki. Þið kallið mig kannski perra, en þá eruð þið að kalla gervalla karlaþjóðina perra.
Ég ætla að fara að æfa mig að beygja mig svona.
Bless
Ég var að taka eftir því að hann Beggi kallinn er ekki með neitt blogg. Ég verð að muna eftir að skalla hann. Það gengur nú ekkert voðalega vel að safna "hlengjum" eða hvað sem þetta er kallað. Dagur er búinn að setja mig undir flokkinn "Aðrir" á sinni síðu en það er nú bara eðlilegt, þar sem fyrir honum eru bara til tvær gerðir af manneskjum, kommar og "aðrir".
Popuppin eru að drepa mig! "click YES for hot action now" *ískr*
Ég er ennþá að vinna í því að redda þessu bonzai tré.
Bless
Ég skipti aftur um útlit!
Djöfuls möguleika býður þetta upp á!
Annars, þá ætla ég að setja af og til uppáhaldsmyndirnar mínar hérna neðst í hægra hornið og það er hægt að ýta á "meira?" til þess að komast í eitthvað myndasafn sem ég á. Hann Dagur kallinn er líka kominn með nýtt útlit, sem ÉG benti honum á.
Síðan víl ég ljúka þessari færslu með því að setja ykkur frá hlekkju sem ég veitti henni kærustu minni... Lísu, en ég var að búa til bloggsíðu fyrir hana sem má finna hér
bless
|
|
|
