|
|
...Ekki reyna að mótmæla eftirfarandi:
þriðjudagur, desember 20, 2005
Alveg get ég verið æðislegur. Ég var á jólaballi MR í gær og fór í fyrirpartý hjá Söndru. Þar hitti ég stelpu sem ég gersamlega dofnaði upp við að sjá og byrjaði að tala eins of fífl. Ókei, við fórum öll á ballið og ég ætla að leita að þessari stelpu en er kýldur í klessu af einhverjum geðsjúkling. Ég stóð þarna, alblóðugur og hálfrotaður og var dreginn í burtu af öryggisvörðum. Þeir settu mig inn í eitthvað herbergi með of-fullu fólki og það fyrsta sem ég hugsaði var: "Gummi, you've done it again". Á meðan ég sat þarna og þau vildu ekki hleypa mér út reyndi ég að skipta um nafn við einhverja dauða stelpu svo að ég gæti laumast út og talað við stelpuna úr fyrirpartýinu. En svo leit ég í spegil og skipti um skoðun.
En eitt klúðrið hjá Guðmundi. Ég þarf að fara að finna eitthvað mynstur út úr þessu svo að ég geti forðast þetta. Kannski að ég geti skrifað seinna meir leiðbeiningabók um þetta.
Stundum fer ég í taugarnar á sjálfum mér.
Ég vil lýsa eftir vitnum að slagsmálum á Broadway á MR-balli mánudaginn þann 19/12/2005. Ónafngreindur kýldi mig, Guðmund Pál, ítrekað í andlitið af ókunnri ástæðu, braut tvær tennur, olli 5 spora skurð á augnbrún og eymslum (veit ekki hversu alvarleg) í nefi.
Ef þið vitið hvað árásarmaðurinn heitir, sem er ljós-skolhærður og um 1,80 á hæð endilega látið mig vita annaðhvot í síma 8651514 eða sendið mér e-mail á gummi@heilabu.net
sunnudagur, desember 18, 2005
Ég grein eftir Gillzenegger svokallaðan, hvernig sem stendur á þeirri nafngift. Þar skammar hann feminista og ljótt fólk fyrir að vera á móti fegurðarkeppnum, segir það biturt og Unni Birnu hafa allan rétt á því að taka þátt í svona keppni og rúlla henni upp. Það kom margt fram í þessari grein sem ég var sammála og má hann hljóta lof fyrir það. Afganginn læt ég liggja á milli hluta.
Í framhaldi af þessu las ég grein (sjá hér) sem skrifuð var frá örlítið gagnstæðu sjónarhorni.
Þar er Þórgunnur nokkur Viskubrunnur að tjá sig um fegurðarsamkeppnir, Unni Birnu og staðalímyndir. Þórbrunnur fer ekki fögrum orðum um fyrrgreinda hluti.
Þar segir hún: "Ég er á móti fegurðarsamkeppnum af því þar eru konur settar í ákveðið form og þeim send skilaboð um hvernig þær eiga að vera og hvernig þær eiga ekki að vera. Ég er á móti fegurðarsamkeppnum af því þar eru konur hlutgerðar og áhorfendum sagt hvað honum á að þykja fallegt og hvað ekki.".
Konur settar í ákveðið form? Hvað ert þú eiginlega að bulla kona? Ef ég man rétt þá voru þær 6 efstu allar alveg ótrúlega ólíkar. Ungfrú Kórea var einmitt í þeim hóp og gat ég nefnt nokkrar sem voru langt umfram hana í líkamlegri fegurð. Hún komst áfram vegna þess hve miklu sjálfboðaliðsstarfi hún hafði verið í og fyrir það hversu mikla manngæsku hún hafði sýnt á lífsleiðinni. Ein stelpnanna komst áfram vegna þess að hún vann hæfileikakeppni(söng mjög vel ef ég man rétt), ekki vegna fegurðar sinnar og um þetta má taka mörg önnur dæmi. Ég bíð eftir því hvernig þú munt færa rök fyrir að þetta sé ekki eftirsóknarvert í fari fólks.
Þórbrunnur heldur áfram: "Ef keppnin gengur eingöngu út á það að velja fulltrúa til að sinna góðgerðarmálum og koma vel fyrir (eins og margir hafa bent á í fjölmiðlum) hvers vegna þurfa keppendur þá að spranga um á sundbolum og sýna fram á fullkomið útlit?"
Ég vísa til svars míns hér fyrir ofan að sigurvegari er ekki einungis valinn vegna útlits síns. Heldurðu að Unnur Birna hefði komist svona langt ef hún hefði ekki gengið menntaveginn, leiðst út í dóp, þjáðst af offitu, verið með langa sakaskrá eða eitthvað slíkt?
Nei, þá efast ég um að hún hefði unnið ungfrú Ísland.
En sannleikurinn er sá að Unni Birnu gengur frábærlega í skóla, hefur haldið sér frá fíkniefnum, vinnur sem lögreglukona (Hörkukona með gott siðferði), heldur sér hraustri og lítur frábærlega út. Allt þetta átti þátt í að gera hana að Ungfrú Heim, réttilega! Hvað í dauðanum hefur þú á móti öllum þessum kostum? Kannski að þú býrð ekki yfir þeim?
Ég veit vel að ég bý ekki yfir þeim öllum og myndi eflaust flokkast sem "ljótur" skv. skilgreiningu Gillzeneggers en ég veit einnig að Unnur býr yfir þeim kostum sem allir ættu að vera búnir. Ég spyr því aftur: Hvað hefur þú á móti því að fyrirmynd barna sé hraust, gáfuð, sterk og bráðmyndarleg kona? Ég held að svarið felist ekki hjá Unni sjálfri, heldur í tilfinningu sem bærist djúpt innra með sjálfri þér, öfund.
Unnur Birna er ekki að segja okkur að vera fullkomin, heldur hvetur okkur til þess að vera betri manneskjur.
Þórbrunnur er kennari og því væntanlega gáfuð. Því baktryggir hún sig með eftirfarandi fullyrðingu: "Það er líklega rétt að bæta því við svona til að koma í veg fyrir að ég verði sökuð um kvenrembu og karlahatur að ég er alveg jafn mikið á móti fegurðarsamkeppnum fyrir karlmenn."
Engu að síður, Þórbrunnur mín, segirðu: "Það hefur sýnt sig að þátttaka í fegurðarsamkeppni getur gefið ungum stúlkum ýmislegt..." en minnist ekki einu orði á karlkynið. Þetta gerist oftar en einusinni og oftar en tvisvar í þínum annars vel skrifaða pistli. Maður veltir fyrir sér hvort að einn einasti guðslifandi feministi hafi svo mikið sem rekið litlutá inn á "Herra Ísland" keppnina til þess að mótmæla þessu "ójafnrétti", hvar sem þú annars finnur það.
Já, þú talar svakalega mikið um jafnrétti þarna. Hvaða endemis þvaðurmettaði þvættingur er það? Hvernig viltu hafa þetta? Að allar stelpur séu jafnfallegar, jafngáfaðar, jafnþetta og jafnhitt? og svo talarðu um að staðalímyndir séu slæmar?! Hvað ertu að reyna að segja!? Talar þú svo um rökleysu.
Mín skoðun er sú að rangar staðalímyndir séu slæmar. Það er ekkert að því að börn hafi góðar fyrirmyndir, eins og t.d. Unni Birnu!
Engu að síður tekst þér, í flóknum vef sjálfsblekkinga, að finna góðum fyrirmyndum allt til foráttu.
Gott og vel. Segjum að fyrirmyndir séu slæmar.
Ef þú gerist nú foreldri einhverntíman með því hugarfari, þá áttu ekki að láta helvítis sjónvarpið ala barnið upp, heldur áttu að leggja því lífreglurnar sjálf. Ef þú getur það ekki, þá get ég ekki sagt að þú sért gott foreldri né aðrir sem kvarta undan þessu.
Ég ætla nú ekki að fara að míga í bakkafullan lækinn með umræðu um feministahugtakið. Feministahugtakið virðist vera ansi togað og teygt þessa dagana. Ég þekki bæði góð og slæma feminista og fæ mig því einfaldlega ekki til þess að alhæfa nokkuð um þá.
...og eitt enn. Hvaða endemis hringlandaháttur er þetta?
Fyrst segirðu:
"Ég gagnrýni ekki þær stelpur sem taka þátt í þessum keppnum. Þær eru bara að gera það sem samfélagið krefst af þeim. Ég hef ekkert út á þær að setja og dettur ekki í hug að hneykslast á þeim. Ég samgleðst Unni Birnu fyrir hennar hönd og vona innilega að titillinn færi henni ánægju."
Svo segirðu:
"Það eina sem við getum gert er að óska nýkrýndri ungfrú heimi hjartanlega til hamingju með titilinn. Hún hefur svo sannarlega staðið sig vel í því sem samfélagið ætlast til af konum – að brosa og vera sæt."
Ég ætlaði ekki að leiða þennan pistil út í persónulegar árásir en Þórgunnur,
Djöfull hata ég þig.
|
|
|
