|
|
...Ekki reyna að mótmæla eftirfarandi:
föstudagur, apríl 14, 2006
Ég veit að Jósep er búinn að skrifa pistil um þetta en ég verð samt að láta dæluna ganga.
Stúdentablaðið sem kom út núna í gær var eitt verst skrifaða tímarit sem ég hef séð koma út frá menntuðu fólki. Í fyrsta pistlinum gagnrýnir höfundur kapítalisma, markaðshyggju og fleira sem vinstrimenn hafa oft talið í ætt við djöfulinn. Auðvelt var að láta þetta fara í taugarnar á sér þar sem alhæfingar og staðreyndavillur einkenndu stóran hluta pistilsins. Einar nokkur Örn skrifaði gott andsvar við þeim hérna.
Eitt sem mér fannst Einar Örn þó ekki berja nógu mikið á var sú fullyrðing Stúdentablaðsins að Hitler hafi verið hægrimaður og því nasisminn dæmi um kapítalískt ríki. Í sama pistli segir höfundur: "Ekki þarf ýkja víðfeðma sagnfræðikunnáttu til að átta sig á því að veldi Vesturlanda er reist á arðráni og þrælablóði". Það er því greinilegt að hann hefur ekki ýkja víðfema sagnfræðikunnáttu.
Áður en Nasistaflokkurinn í Þýskalandi fékk endanlegt nafn sitt hafði hann skammstöfunina NSDAP sem stóð fyrir National Sozialistische Deutsche Arbeiterpartei. Fyrir þau ykkar sem ekki kunna þýsku þýðir það "Þjóðlegi Sósíalíski Þýski Verkamannaflokkurinn".
Margir telja að flokkurinn hafi einungis haft þetta nafn til þess að lokka til sín vinstrisinnaða verkamannastéttina í landinu og kann það vel að vera. Engu að síður einkenndist kosningabarátta og áróður Hitlers af mjög mikilli þjóðernishyggju, sem er einmitt grasrót vinstriafla í heiminum. Sorglegast þykir mér kannski að segja að þessi brögð flokksins virkuðu. Vinstrisinnaðir verkamenn hvaðanæva úr Þýskalandi fylltu flokkinn og hlaut hann meirihluta á þingi vegna þess.
Jafnvel þó að hann hefði heitið eitthvað sem benti til þess að í honum bærðust hægriöfl, þá var þetta fasísk ríkisstjórn. Ekki kommúnísk, ekki kapítalísk heldur Fasísk. Fasismi er allt annað stjórnkerfi sem höfundur pistilsins ætti gersamlega að láta ósnert í þessari umræðu.
Eitt sem ég skil hinsvegar bara alls ekki eru lokaorðin. Þar segir hann dæmisögu þar sem hann lýsir kapítalismanum sem þrælahaldara og þegnum sem þrælum kapítalismans. Þrælahaldarinn hýðir þræla sína vel og mikið þar til 10 þessara þræla ákveða að flýja. Þrælahaldarinn leitar og leitar að þeim en bregður loks á það ráð að drepa alla hina þrælana í staðinn. Þrælarnir sem flúðu frjósa svo í hel um veturinn.
Núna veit ég bara alls ekki hvaða hýðingu hann Magnús Björn er að tala um, en svo að ég noti myndlíkingu þá er honum Magnúsi frjálst að flýja til Kína þar sem hann þarf ekki að bíða eftir byltingunni og er laus við hýðingar á borð við einstaklingsfrelsi, lýðræði, tjáningarfrelsi og slíkt. Ef hann fer get ég fullvissað hann um að við munum ekki drepa afgang landsmanna á nokkurn hátt, hvorki líkamlegan, andlegan, bóklegan, skriflegan eða myndlíkingarlegan.
"Veldi Vesturlanda er reist á arðráni og þrælablóði"-my ass, hefur þú einhverntíman heyrt um gúlagið?
miðvikudagur, apríl 12, 2006
Treystið þið þessari konu?:
Heilsunudds Heilun sameinar margar aðferðir svo sem Reiki, Steina, Kristalla, Segla, Árunudd, DNA heilun og Orkustöðvar svo eitthvað sé nefnt.
Heilun er öflugt meðferðarform sem örvar græðiorku líkamans og notar alheimsorku til að heila og græða en einnig til að hjálpa fólki til að hjálpa sér sjálft.
Tekið af http://www.heilsunudd.com/heilun.html
Jæja. Ég er yfirleitt ekki talinn ofbeldisfullur maður en þegar ég sé svona þvaður langar mig til þess að berja fólk. Ruth Jensdóttir telur sig geta verið allra meina bót því að hún kann sko að miðla alheimsorkunni með grjóti, seglum, handabendingum og öðrum þvættingi.
Ég kynnti mér eina af þessum aðferðum og svona virkar hún:
Reiki
Mælt er með að þú þakkir fyrir þig fyrir og eftir meðferðina, en þakkirnar skulu hljóma svona.
Settu lófana saman eins og þú værir að biðja til Guðs. Þetta er mjög einbeitandi.
Til þess að auka dýpt við heilunina þína, sjáðu fyrir þér að þú sért tengdur við engi af ást og ljósi að innan, utan við þennan heim (?).
Á síðunni sem ég er á er sagt að hægt sé að tengjast þessu neti af ást í gegnum netið. Sterkastu alheimsáhrifin eru að fara inn á síðuna í þeim ásetningi að deila heiluninni.
Afganginn skildi ég ekki en þar var eitthvað talað um að þú ættir að tengjast alheimsorkunni og þá myndast einhver eining af ljósi og ást á stað sem þú einbeitir þér að. Þið getið séð meira hér.
Þeir sem stunda þetta vita vel hversu mikið kjaftæði þetta er, nema að þeir séu gjörsamlega vitstola. Engu að síður stunda þeir þetta, rukkandi auðtrúa daufhygða drithrauka þúsundir króna fyrir þetta kukl! Þessir belgþembdu bavíanar nærast á lygum, vanþekkingu og örvæntingu fólks, dæla boðskap djöfuls inn fyrir vit þess og rukka svo. Þetta naðurtyngda hyski hefur enga siðferðiskennd, enga heildarsýn á samfélagið og gerir ekkert í þessum heimi betra!
Það eru fá rök sem duga á þessi frauðþenktu froðupyppildi. Vísindaleg rök heyra þau ekki og almenna skynsemi kannast þau ekki við. Svo er það þessi spangólandi vitsmunaþurrð að láta glepjast af þessu! Hvernig dettur fólki með yfir 80 í greindarvísitölu í hug að nokkuð sé til í þessu kjaftæði?
Mér líður illa yfir þessari misþyrmingu heilbrigðrar skynsemi, spellvirkjum andans.
Við megum nefnilega ekki glutra frá okkur heilbrigðri skynsemi vegna þess að stundum er hún það eina sem við eigum. Því er kominn tími til þess að stjaksetja þessa apaketti, úrbeina þá og flá á opinberum vettvangi öðrum til vítis og varnaðar.
|
|
|
